1447/118pولادت حضرت سیدنا علی اکبر
آج ظہور ہے گلشنِ حسینی کے اس پیکرِ نور کا جو جمالِ محمدیﷺ اور جلالِ حیدری ؓ کا حسین سنگم ہے۔ حضرت سیدنا علی اکبر ؓ محض ایک جواں سال مجاہد نہیں، بلکہ سیرتِ مصطفیٰﷺ کا وہ کامل آئینہ تھے جس میں اصحابِ رسولﷺ عکسِ رسالت کا دیدار کیا کرتے تھے۔ آپ کی شخصیت “خَلقاً، خُلقاً اور مَنطقاً” اپنے جدِ امجد کی وہ اکمل تصویر تھی جس نے نبوت کے اوصاف کو امامت کے آنگن میں زندہ کر دیا۔
دشتِ کربلا میں بلند ہونے والی آپ کی اذانِ حق محض نماز کی پکار نہ تھی، بلکہ باطل کے ایوانوں میں وہ حیدری للکار تھی جس نے ایثار و استقامت کے معنی بدل دیے۔ تشنہ لبی میں صبر و رضا کی جو تاریخ آپ نے رقم کی، وہ رہتی دنیا کے نوجوانوں کے لیے حریت اور غیرت کا ابدی منشور بن چکی ہے۔
اس مبارک ساعت پر، ہم اس عظیم المرتبت شہزادے کی بارگاہ میں نذرانہِ عقیدت پیش کرتے ہیں جن کا کردار حق کی خاطر سب کچھ قربان کر دینے والوں کے لیے ہمیشہ مینارِ نور رہے گا۔
Comments
Post a Comment