Alla Hl Alla

وادیِ کشمیر میں اسلام کی نویدِ سحر بن کر ابھرنے والے حضرت میر سید تاج الدین ہمدانیؒ وہ عظیم المرتبت شخصیت ہیں، جنہوں نے ہمدان کی رعنائیوں پر فقر و استغنا کو ترجیح دی اور کوہساروں میں وحدانیت کی قندیلیں روشن کیں۔ آپؒ کا شجرہِ نسب بارہ واسطوں سے حضرت امام زین العابدین ؓ تک پہنچتا ہے۔ آپؒ، میر سید علی ہمدانی المعروف شاہ ہمدان ؒ کے برادرِ خورد اور ان کے ورودِ مسعود سے قبل ہی ان کے ایما پر سرزمینِ کشمیر میں اساسِ دین قائم کرنے والے نقیبِ اول تھے۔ آپؒ نے اپنی فکری جلالت اور باطنی بصیرت کے ذریعے خطے کے فکری و سماجی تعطل کو ختم کر کے قلوب کو ضیائے اسلام سے منور کیا۔ آپؒ کی ذاتِ گرامی وہ سنگِ بنیاد ہے جس پر بعد ازاں شاہ ہمددان ؒ نے عظیم روحانی انقلاب کی عمارت استوار کی؛ آپ اس گلشنِ توحید کے وہ جفاکش معمار ہیں جن کے اخلاص نے کشمیر کی مٹی میں ایمان کی ابدی مہک بسا دی۔ زہد و پارسائی کا یہ منبعِ فیض نوہٹہ (سرینگر) میں آسودہِ خاک ہے، جہاں آپؒ کا آستانہِ عالیہ آج بھی تشنگانِ حق کے لیے جائے پناہ ہے۔

Translated with Google Lens. Try it yourself! https://g.co/lenstranslate

حضرت سیدنا امام علی نقی ؓ کاشمار اہلبیت کے عظیم ائمہ کرام میں ہوتاہے۔آپ کااسم پاک ”علی“تھا ،کنیت ”ابولحسن“ اور لقب مبارک ”نقی“تھا۔ اس کے علاوہ آپ کو ”ہادی“کے نام سے بھی یاد کیا جاتا ہے۔ آپ ؓ علم و کمال اور جود و سخا کے مظہر تھے اور اپنے زمانے میں تقوی و پار سائی اور دیگر اخلاقی اقدار میں سب سے زیادہ باشرف شخصیت تھے۔ آپ نے انتہائی کٹھن حالات میں بھی مسلمانوں کی فکری اور اخلاقی رہنمائی فرمائی۔ آپ کی تعلیمات کا مرکز اللہ کی توحید، اخلاقِ حسنہ اور انسانیت کی خدمت تھا۔

حضرت ام البنین ؓ تاریخ اسلام کی وہ عظیم خاتون ہیں جنہوں نے وفا، ایثار اور محبتِ اہلبیت ؓ کی ایسی مثال قائم کی جو رہتی دنیا تک یاد رکھی جائے گی۔ نام و نسب آپ کا اصل نام فاطمہ بنت حزام تھا اور تعلق عرب کے ایک نہایت بہادر اور شجاع قبیلے “کلابیہ” سے تھا۔ آپ کے والد کا نام حزام اور والدہ کا نام ثمامہ تھا۔ حضرت علی ؓ سے شادی شہزادی کونین حضرت فاطمہ زہرا (س) کی شہادت کے بعد، امیرالمومنین حضرت علی ؓ نے اپنے بھائی عقیل (جو عرب کے حسب نسب کے ماہر تھے) سے فرمایا: “میرے لیے ایک ایسی خاتون کا انتخاب کریں جو بہادروں کی نسل سے ہو، تاکہ اس سے ایک ایسا بہادر بیٹا پیدا ہو جو کربلا میں میرے حسین ؓ کی مدد کرے۔” جناب عقیل نے جناب فاطمہ بنت حزام (ام البنین) کا انتخاب کیا کیونکہ ان کے خاندان سے بڑھ کر عرب میں کوئی بہادر نہ تھا۔ لقب “ام البنین” (بیٹوں کی ماں) گھر میں آنے کے بعد آپ نے حضرت علی ؓ سے درخواست کی کہ انہیں “فاطمہ” کے نام سے نہ پکارا جائے، تاکہ جنابِ زہرا (س) کے بچوں (حسنین کریمین اور بی بی زینب و ام کلثوم) کو ان کی ماں کی یاد نہ ستائے اور انہیں تکلیف نہ ہو۔ اس لیے آپ کو “ام البنین” یعنی “بیٹوں کی م...