1447/104p امام محمد بن ادریس شافعی رحمتہ اللہ علیہ

امام محمد بن ادریس الشافعیؒ نے اسلامی فکر و دانش کو ایک نئی جلا بخشی۔ آپ کی شخصیت علم اور فصاحت  کا وہ نادر نمونہ تھی جہاں استدلال کی قوت اور بیان کی نزاکت باہم ہم آغوش نظر آتی ہیں۔ امام شافعیؒ محض ایک فقیہ ہی نہیں، بلکہ عربی زبان و ادب کے شہسوار تھے۔ آپ نے اپنی بصیرت سے منقولات اور معقولات کے درمیان ایسا توازن پیدا کیا جس نے رہتی دنیا تک کے لیے اصولِ فقہ کی بنیادیں استوار کر دیں۔ آپ کا علم ایک ایسا بحرِ بے کنار ہے جس کی موجیں تقویٰ سے عبارت ہیں اور جس کا ساحل رشد و ہدایت کا ضامن ہے۔ امام شافعیؒ کی علمی وجاہت نے نہ صرف کلامِ الٰہی اور سنتِ نبوی کے فہم کو عام کیا بلکہ عربی ادب کو وہ وقار عطا کیا جو تاریخ کے اوراق میں ہمیشہ تابندہ رہے گا۔

نوٹ: آپ کا وصال رجب کی آخری شب میں ہوا (یعنی 29 یا 30 رجب)۔ بعض کے نزدیک آپ کا وصال 4 رجب ہے۔